I le 12 o moliaga a leoleo sa tuua’ia ai le alii faipisinisi Asia o Tao Liu poo Liu Tao 46 tausaga le matua o Siusega ma le atunuu o Saina, o lea ua faaopoopo isi moliaga e 3 ma ua oo atu ai le aofa’iga atoa o moliaga i le 15.
Sa toe tula’i i le Aso Gafua o le vaiaso nei i le Faamasinoga Maualuga lea faipisinisi peitai o moliaga faaopoopo a leoleo ua toe tuu atu ai i le Aso Gafua a sau e faamautū uma ai tapenaga a leoleo faapea le loia o loo tula’i mo le alii Asia ona tuuina atu ai lea o se tali a lē ua molia.
O loo faaauau ona tatala o ia i tua i aiaiga e pei ona saini ai i le ofisa o leoleo ma taofia lona tusifolau.
