Ua folafola e le minisita o le va i fafo a Niu Sila le faaopoopo o fesoasoani mo le soifua maloloina i le Pasefika.
O le minisita o Nanaia Mahuta e pei ona lipotia e le RNZ Pacific o loo iai nei i Papua Niu Kini ae na ia taua i le lipoti lea, ua galulue faatasi nei Niu Sila ma auaunaga tau le soifua maloloina e patino i tulaga tau sexual and reproductive health i le Pasefika ae manaomia pea le faia o nisi gaioiga faaopoopo.
Ua ia faalauiloa le fesoasoani faaopoopo e 18.2 miliona tala Amerika mo le lima tausaga mo ofisa o loo galulue i le Pasefika e faaleleia lea auaunaga.
O le a fesoasoani lea vaegatupe i upu e pei o le maualuga o le aofai o tamaitai maitaga aemaise o mataupu e aafia ai e pei o sauaga ma isi, aemaise aiga fuafuaina ma polokalame faaleaoaoga e faatatau i ia ituaiga auaunaga.
