E toalua teineiti ua agiga i lipoti i le asō na osofa’ia ma gaoia ni a la meatotino e se kulupu o talavou i luga o se pasi i Aukilani.
O lea faalavelave e pei ona lipotia e le Newstalk ZB, ua sosoo atu i tua o nisi foi osofa’iga faapea sa tula’i mai foi muamua i auala o femalagaa’iga lautele poo public transport.
Na aafia ai ia teine talavou i ni manu’aga i foliga ma ua faamaonia ane foi e le Auckland Transport lo latou iloa o lea mataupu ma ua tuuina atu nei ata o lea mataupu i leoleo.
O teineiti e toalua na aga’i ane i le pasi mai West Tamaki Rd e lata i le fetaula’iga ala i St Helliers Bay Rd poo le tasi i le aoauli o le aso 17 o le masina nei, na aga’i ane ai le kulupu lea o tamaitai ma alii talavou ma faatonu teineiti e tuu ane nisi o a la aitema ia i latou.
Na faaoolima i latou ia i teineiti ma o loo iai manu’aga, ma fai mai leoleo o loo faagasolo pea le suesuega.
O teineiti na aafia ua faamatala i lipoti e ta’i 14 tausaga le matutua ae na aga’i ane i le taulaga faatau i Silvia Park mo sa faatauga.
Puna o Faamatalaga: https://www.newstalkzb.co.nz/news/national/two-girls-attacked-in-aggravated-robbery-on-auckland-bus-to-sylvia-park/
