Ua toe ta’ua mai foi ananafi le isi avepasi Aukilani na faaoolima iai se tasi, ma na tupu i le Akoranga Transport Centre i North Shore.
O se faamaoniga mai leoleo o le te’a o le 12 i le aoauli o le Aso Toonai talu ai na faaoolima ai le alii 31 tausaga o Hillcrest i le avepasi ma o lea ua molia.
Na ave ai lava e leoleo i lea aso, ma o le ō lea e tu ai i luma o le faamasinoga faaitumalo i North Shore.
Fai mai ai le Auckland Transport o loo galulue nei ma le kamupani pasi e ana pasi nei e faigaluega ai lē ua faamanu’alia a o faasolo su’esu’ega o lenei mataupu.
Ae o le finau a le Tramways Union e tusa ma tala a le Herald, ua tatau ona faaopoopo le malosi’aga e tuu atu i sui o le aufaigaluega a le Auckland Transport lea e galulue i luga o pasi latou te saisaia mai ai le aufaatupu veevsi.
I faamaumauga a le Auckland Transport na faailoa mai, i le masina o Iulai o loo iloa ai ua oo i luga i le 33 osofa’iga faaoomanu’a faasaga i avepasi i totonu o le ono masina muamua o lenei tausaga, ua siitia ai mai le 21 na faamauina i le periotic lava lenei o le tausaga talu ai.
Puna o Faamatalaga: Auckland Transport bus driver assaulted by passenger on North Shore – NZ Herald
