Ona o le taugatā tele o le faatupeina o faigamalaga e alu aga’i i Taupo a le Sounds Air, o lea ua faamuta ai.
O faigamalaga nei i le va o Ueligitone ma Taupo e le’i faigofie i le Pule Sili ia Andew Crawford ona faamuta, ma e ui i le to’atele o tagata feoa’i, ae o loo alu ai foi i luga ma le tau e faatupe ai.
Ua sau ai i le mae’a faamuta o faigamalaga a le kamupani vaalele i le va o Ueligitone ma Westport.
Fai mai ai le Pule Sili e lē mafai ona toe lafo atu i tagata feoa’i le tau e faatupe ai auaunaga nei, poo le totogi foi e le au fai sea a le kamupani.
Ua ta’ua ai e Crawford, e lē na o le Sounds Air, o lea foi e fai e isi kamupani e pei o le Ea Niu Sila ma le Jetstar le fai ma iloilo faigamalaga i totonu o Niu Sila ona o le taugatā tele o lenei auaunaga.
Puna o Faamatalaga: Sounds Air cans Taupō flights amid rising costs | RNZ News
