Ua taofia nei e le Inland Revenue faiga o loo faia ai faalauiloa i luga o le social media ona o le popolega o tagata lautele o lea e toe alu ai i tua faamaumauga o tagata.
Ua tusa nei ma le 10 tausaga o faia faalauiloa nei e faaaogā ai le Facebook ma le Google lea o loo tuliloa ai tagata e fua ia latou su’esu’ega o loo faaaoga ai upega tafailagi.
O su’esu’ega foi nei e fua iai le lisi o tagata e alu aga’i iai faalauiloa.
Peitai i iloiloga na toe faia mulimuli ane ma iloa ai e faalua ona alu i tua faamaumauga mai le IRD aga’i i tino nei e lua o le social media, ma o lea na taofia le tumau ai loa ia Setema.
Ua toe tusi ai nei le IRD i le tusa ma le 268,000 tagata totogi lafoga i Niu Sila aafia ma faatoese i le mea ua tupu aemaise o le faamalamalama iai o faamaumauga ua alu i tua.
O le faai’uga ua taofia nei ua faia lea i le mae’a tusi atu o le tusa ma le 8,000 tagata totogi lafoga ma faaali lo latou popole tele i le IRD.
Ae i se tali mai a le sui Privacy Commissione Liz MacPherson, o se faanoanoga tele le mea ua tupu ma o se toe faamanatu foi lea i pulega uma ia mautinoa e malupuipuia faamatalaga o tagata.
O totonu o le 24 itula lea ua fai mai le IRD o le a tusi faatoese ai i tagata aafia.
Puna o Faamatalaga: IRD ends controversial social media data-sharing practice
