Ua faamavae le producer poo le tagata fai ata tifaga lea sa galue I le tuufaatasia o le ata They are us e faatatau ile palemia o le atunuu Jacinda Adern ma le faalavelave na tulai mai I Kalaiesetete. Lipotia ile Stuff o le tamaitai o Phillipa Campbell ua faamavae nei ma ua ia tuuina ane se faamatalaga e faatoese ai I lona auai I lea ata.

Fai mai a ia ua faalogologo I popolega ua faailoa atu ele atunuu I ni nai aso ua tuanai ma ua ia lagona ai le malolosi o finagalo faaalia o tagata ma ua ia ioeina ai o mea na tutupu I leaso 15 o Mati 2019 o loo ola lava pea lava I finagalo o tagatama e le talafeagai ona faia iai se ata I le taimi nei ma ua le fia auai ai foi ise poloketi e faatupu ai se ituaiga mafatiaga faapea I tagata.

O uluai fuafuaga mo lenei ata lea sa faapea e taulai ai ile tali a le palemia i osofaiga ua matua faailoa ai le le fiafia o le toatele aemaise lava o aiga o e na aafia faatasi ai ma le komiuniti o tagata Mausalemi I le atunuu.

Fai mai Adern e lei faafesootaia atua ia I le ata lea sei vagana se taimi mulimuli ane ae lei amata aliae fuafuaga I le tuufaatasiga.