O lea ua faamatuu mai se faamanatu mai le Matagaluega o le Soifua Maloloina i Niu Sa Uelese e uiga i le misela ina ua faamaonia le taofia atu o se pepe i se falemai i le itu i Sisifo o Sini ona ua aafia i le faamai.
Fai mai o le pepe e laititi tele e lē mafai ona faia se tuipuipui ae faatoa malaga mai mai le itu i Saute i Sasae o Asia lea o loo pepesi tele ai le misela.
Fai mai fomai e ono iai ni auga i nisi sa iai i le falemai i Blacktown i le Emergency mai le ta o le 9 i le taeao i le 3 i le aoauli o le Aso Faraile talu ai ma e ao ona saili se fautuaga mai le fomai pe a iai ni auga.
E masani ona iloa auga i le mae’a o le 7-18 aso talu ona fesootai ma se tasi ua aafia.
Ua faamanatu mai le Soifua Maloloina o loo avanoa le faia o tuipuipui e puipuia ai mai le misela.
