Ua faamuta le toe avea ma leoleo o se tamatai na tuuaia i lona faasalalauina i luga o fesootaiga televavave le Facebook o le ata o le faipule filifilia o Aana Alofi No.4 le afioga ia Toeolesulusulu Cedric Schuster ina ua taofia i le vaaiga a leoleo i lona lē usitaia o tulafono o taavale afi o le avetaavale ōnā.

O lea ata o se meatotino mo galuega a leoleo ma latou faamaumauga e lē tatau ona faasalalauina faalauaitele .

Peitai na salalau le ata ma faitioina ai lea Matagaluega i le lē tausisia o tulafono o loo faatino ai le latou galuega.

O loo tālia i le vaiaso fou e valaau ai le moliaga o le faipule filifilia i le faamasinoga faaitumalo.