O loo iai nai tineimu ua faamanu’alia i se afi na sasao ane i se fale i Western Sydney.

Na valaau ane ai le fesoasoani faavavave i le faalavelave lea na mu ai se unit i Whalan poo le lata i le 10 i le po anapo.

Fai mai lipoti o leoleo na muamua atu i lea nofoaga ma taumafai ai e aveese mai i latou sa i totonu o le fale na mu.

Na mafai ona tapēina le afi e le tineimu mulimuli ane ma ua ta’ua e tele le aafiaga o le fale na aafia.

O tineimu ua faamanu’alia e mafua mai ina ua pa’ū ane le taualuga o le fale ma o loo faatalia se isi lipoti lata mai i le tulaga o iai nai ia tagata faigaluega.

Ua ta’ua e le 9News e leai se tasi o tagata sa i totonu o le fale o faamanu’alia ma ua ta’ua o loo masalomia lenei faalavelave ma o loo faagasolo le su’esu’ega.

Puna o Faamatalaga: https://www.9news.com.au/national/unit-fire-whalan-western-sydney/aca4c4b2-0afa-4eb7-99ba-42a1acedb81a