Ua faamanino mai e le Minisita o Tupe ia Lautimuia Afoa Uelese Vaai le tulaga ua taofia ai nisi auaunaga a le NPF e pei o le faatinoga o nonogatupe.
Ua laga lea tulaga ona o nisi o sui faisaofaga i le NPF ua faailoa lo latou lē fiafia e oo atu o loo taofia le faatinoga o nonogatupe.
Na saunoa le Minisita ua faia lea faiga ina ia faamuamua le faamatuu atu o le pasene o loo tala nei a le NPF ma e manaomia le tau fai galulue uma o le aufaigaluega i lea tulaga.
Talu ai la le manaoga ia faatelevave le faamatuu atu o le 2.4 % ua faia ai lea fuafuaga a le pulega ma le aufaigaluega ia tali atu i le manaoga o le aufaisaofaga, ae ua faailoa e lē o toe mamao ae toe amata le tulaga masani i isi auaunaga a le NPF auā o Aperila lea o le a faamuta ai le pasene o loo faamatuu atu.
O le taimi nei e tusa ma le 70% o le aufaisaofaga ua mafai ona tala i tua a latou pasene ma o i latou e oo atu i le taimi e faamuta ai le pasene e lei talaina o le a tuuina sa’o loa ia latou saofaga.
E tusa ma le 24.07miliona le tupe ua faamatuu atu mo le aufaisaofaga a le NPF.
