O le tiute i le a’oa’oina o fanau aoga i totonu o potu aoga o le matafaioi tausi lea a le faiaoga ua maea ona tofia ai ma tautino o le a faatino ma le loto atoa.

O se tiute taua tele ma o le mafuaaga foi lea ua atofa ai e Samoa aso e lua, Aso Lulu 29 ma le Aso Tofi 30 o Setema e faamanatu ai le taua o le galuega a alii ma tamaitai faiaoga i le atunuu.

O le ulutala mo lenei tausaga ua faaperetaniaina “Health and Wellness for Teachers” poo le Soifua laulelei ma le maloloina mo Faiaoga.

O le potuaoga ua i loga i totonu lava o Samoa o le faleaoga lona lua lea a fanau o faiaoga foi o faiaoga lona lua ia a soo se tama ma se teine aoga o le aoga lea o le galuega ma le tiute a faiaoga o le aoaoina lea o fanau ina ia maua le poto ma le atamai ae le gata i lea ina ia faamanuiaina i ni faailoga maualuluga mo se lumanai manuia o ia ma lona aiga. O se galuega e faaauau pea seia oo ina ua maea foi lana tautua i le atunuu. 

O nei aso faapitoa e lua o le a faia ai foi ma ni tufatufaga faailoga poo awards mo faiaoga uma ua tele tausaga o faia lea tiute (long serving teachers) o se auala e amanaia ai le tautua matavela a faiaoga uma a le atunuu.

E tele foi ina faamanatu e aoga taitasi lenei Aso faapitoa ma avea lea ma auala e molimoli ai lo

latou agaga faafetai i o latou faiaoga.