O le asō lea ua amata faamamalu ai i vaega o Aukilani tulafono fou tau ‘ava malosi e pei ona folasia i se taimi ua sola, o le a faigata ai ona toe tatala nisi faleoloa fou e faatau ai le ‘ava malosi.
O le faiga faavae lea na autasi uma iai sui o le Council i se fonotaga na faia i le aso 29 o Aokuso ma e lua vaega ua aga’i iai ia suiga.
E amata atu i le asō ona faamalosia tulafono ia mo le tuuina o laisene i nisi pisinisi fou e faatāuina le ‘ava malosi ma o le a faapea ona iai pea lea tulaga mo le 2 tausaga.
O le vaega lona lua o lea faiga faavae o le faasāina lea ona toe faatau atu o le pia poo le ‘ava malosi i le te’a o le 9 i le po o aso ta’itasi ma e amata faamamalu la le isi vaega lea i le aso 9 o Tesema o le tausaga nei lava.
Puna o Faamatalaga: https://www.1news.co.nz/2024/09/16/new-liquor-laws-in-effect-from-today-for-parts-of-auckland/
