O le vaiaso nei lea na faasalalau ai i ripoti a ofisa faasalalau i Samoa se faamatalaga a le Minisita o Tupe afioga ia Mulipola Anarosa Ale Molioo faatatau i se faafitauli o loo feagai ma ia aemaise lava o taimi o le tapenaina o le Tala o le Tupe ona o le sootaga a le Ofisa Sili ma le taitai o le vaega faaupufai le HRPP.
I le feiloaiga a le tamaitai Palemia Fiame Naomia Mataafa ma tusitala i le vaiaso nei na ia taua ai “Ou te manatu o le tali a le Minisita o Tupe i lau faauigaiga, o le tala o le tupe e le’o le faafitauli mo ia, o le faafitauli mo ia o le mea Lea e tupu o le Ofisa Sili o le Matagaluega poo Lana faufautua muamua o le atalii o le taitai a le Vaega faaupufai a le HRPP (conflict of interest).
Taua foi e Fiame “E faafaigata e ia (Minisita o Tupe) ona faatino galuega i luga le tulaga foi lea o lea e tulai atu ia o le Minisita o Tupe o lea tau tapena atu lana ae o lae tuu mai le tāmā o lana fautua e taitaia maia le isi itu o le faigamalo”.
Ina ua fesiligia e tusitala le tamaitai Palemia poo le a la se fōfō a le Minisita o le a fai i le mataupu ae tali Fiame “Masalo o le a sau a le tamaitai Minisita o Tupe e aumai lana fōfō i le kapeneta”.
