Na alafai ane nisi e aumau i Beach Haven i Aukilani i le pā pā o fana ma le faai’i solo o pa’u o taavale i le taeao analeila.
Fai mai lipoti a le NZ Herald o le agalelei o le Alii na faasaoina ai le soifua o se tasi alii na agai ane i lana taavale i le taeao analeila atoa ai ma le fale o se tasi o aiga na aafia atu i pulufana ia na tafana atu iai.
O le faamatalaga mai le leoleo asiasi o Simon Harrison mai le Ofisa i Waitemata ua ta’ua ai poo le ‘afa o le 6 na maua ai e leoleo lipoti o lea faalavelave i le faaitu o Tui Park.
Fai mai leoleo o se taavale ma se fale na aafia ai i pulufana ae e lagona le agaga faafetai ona o le leai o se soifua o aafia ai.
O le a iai pea leoleo i lea faaitu i le asō a o faagasolo ai a latou suesuega.
E toatele tuaoi na molimau sa faalogoina le faalavelave lea i le taeao.
Puna o Faamatalaga: https://www.nzherald.co.nz/nz/beach-haven-auckland-residents-wake-to-loud-gunshots-and-screeching-tyres/TK52HCV4TNBUBE6RHJX4KUCSBY
