Ua lipotia I le RNZ Pacific ile aso le faamautuina o le faaiuga a le palemia o Samoa ua iai nei afioga Fiame Naomi ina ia le faataunuuina le poloketi o le Uafu lagolagoina e Saina sa faataatia mai e le faigamalo talu ai a le HRPP.

I lea lipoti o loo faailoa ai e Fiame o le poloketi lea e 100 miliona tala amerika ma e ono faaopoopo ai nisi o tupe o loo aitalafu ai ile atunuu o Saina.

O le mataupu lea e faatatau I le uafu , o se tasi o mataupu sa laualuga I le lisi o aitema na iai a le faigamalo ale FAST poo le pati a le Faatuatua I le Atua Samoa ua Tasi ma ua faailoa e le palemia I le lipoti lava lea o le toe faaleaogaina o lea poloketi o le a le aafia ai le sootaga malosi a Samoa ma Beijing.

Faailoa ai foi e le tamaitai palemia o loo matala pea le faitotoa mo nisi poloketi I le lumanai mai Beijing poo Saina foi ma isi atunuu o loo latou faipaaga aua se penefiti mo Samoa.