O se podcast poo se tautalaga fofogaina i le gagana Samoa ua taulai sa’o lava i le faaitiitia o ni uiga lē lelei poo ni faamatalaga lē manuia foi e faia faatatau i le soifua maloloina o le mafaufau, mental health, ua faalauiloaina nei.

Ua faailoa e le RNZ o le podcast ua faaigoaina “Fau Gagana” ma ua faailoa ai se finagalo o se tausi soifua Samoa e faatatau i le soifua maloloina o le mafaufau aemaise faamatalaga lautele ma le faauigaina o le soifua maloloina o le mafaufau mai le silasila iai a se tagata Samoa.

O Dr Ioana Mulipola mai le Auckland University of Technology na ia faailoa i le lipoti lea o le podcast na mafua mai a o faai’ui’u lona faailoga faafomai i le 2023 ma o se tuuaofaiga o le tomai sa aoina mai a o galue ai i le matātā ma e tele se manaoga ina ia malamalama i le gagana.

Ua faailoa e Dr Ioana i le faatalanoaga ma le leitio faavaomalo a Niu Sila e manao e faamalosia le komiuniti Samoa auā o le mataupu lea i le soifua maloloina o le mafaufau e seāseā ona talanoaina ma o le faamoemoe o le podcast ia amata loa ituaiga talanoaga faapea ma silafia foi āuga ina ia mata’itū ai e tagata o latou soifua maloloina, o latou aiga faapea foi ma le komiuniti.

Puna o Faamatalaga: https://www.rnz.co.nz/international/pacific-news/522191/academic-launches-podcast-to-talk-about-mental-health-from-samoan-perspective