O le taulaga i Apia i luma ane o le ofisa autu o le Malo o Ausetalia o loo siomia i se pa uamea, o loo faailoa ai ata tusi o foliga poo mask o nisi o tu ma aganuu a tagata o le motu o Torres Strait ma tagata Apoliki o Ausetalia.
O se faaaliga poo se exhibition ua faalauiloa ai i Samoa galuega o le fausia e ia tagatanuu o Ausetalia o faatusa o foliga o se vaega o latou tu ma aganuu ma talafaasolopito.
O motu o le Torres Strait e tu i le va o Ausetalia i Matu ma le atunuu o Papua Niu Kini.
Na tatala aloaia lea faaaliga e le Komesina Maualuga o Ausetalia i Samoa le susuga Will Robinson ma o soo se tasi lava e mafai ona afea luma o le ofisa o Ausetalia i le tatou taulaga i Apia e maimoa ma silasila i iai.
