O lea ua faalauiloa mai le faasologa o taaloga o le lakapi taitoafitu i le Olimipeka e ui toe 2 vaiaso ona faataunuuina lea.
E amata le taamilosaga i le lua aso i luma mai o le aso e tatala aloaia ai le Olimipeka ma o aso 24-27 o Iulai e faataunuu ai taaloga a le itupa o alii a o tamaitai e amata i le aso 28-30 o Iulai.
E 12 ‘au o le a tausinio i pulu e 3 ua vaevae iai i taamilosaga uma a alii ma tamaitai.
E amata le taaloga a Ausetalia ma Samoa i le taamilosaga a le itupa o alii ae tatala e Aialani ma Peretania le taamilosaga a tamaitai.
O Niu Sila o loo siamupini i tamaitai.
O Paris lea e talimalo i le Olimipeka o le tausaga nei.
Puna o Faamatalaga: https://www.rnz.co.nz/international/pacific-news/521669/olympic-rugby-sevens-match-schedule-revealed
