Ua faailoa se saunoaga a le Palemia o Christopher Luxon i ofisa faasalalau i le asō e faapea e na te lei faatalanoaina le mataupu e faatatau i suiga o le a faia i le penefiti mo i latou o loo saili galuega poo job seekers.
Ua lipotia e iai nisi aiaiga poo ni sā fou ua faatulaga mo i latou e maua penefiti ae lē o faamalieina mea e ao ona o latou faatino, o le faamatalaga lea mai le malo i le vaiaso nei.
O le faatalanoaga a le Palemia i le Breakfast i le taeao analeila ua ta’ua ai o loo fia faamautu o loo lagolagoina tagata i taimi faigata ma e tāua tele lea i le malo, ua ia faamamafa foi o le faamatalaga e pei ona faailoa mai i le vaiaso nei i le suiga i penefiti o loo taula’i sa’o lava ia i latou o loo saili galuega ma maua foi le fesoasoani.
Na saunoa Luxon o le toatele o tagata o loo ausia pe faamalieina foi aiaiga o le maua o le job seeker support peitai e iai lava si vaega laitiiti o i latou ia e lē o usitaia tuutuuga.
Ma ina ua fesiligia le Palemia pe ua mae’a faatalanoa ia suiga fou ma i latou o loo maua ia penefiti, na ia ta’ua ai e leai ae o se faiga faavae lava a latou na faatulaga mai a o lei faia le palota ina ia faia le mea sa’o.
Puna o Faamatalaga: https://www.1news.co.nz/2024/08/13/pm-says-he-hasnt-spoken-to-beneficiaries-about-govt-changes/
