Ua faalauiloa mai e le Lakapi Niu Sila NZ Rugby se faiga faapaaga fou ua sailia male kamupani a le INEOS, ose kamupani e faamautu I Peretania ma ose kamupani suauu, kesi ma petrochemicals e iai lona ofisa autu I Lonetona.
Lipotia mai le ZB I le aso o lea faiga faapaaga e mo le 6 tausaga amata I le tausaga fou 2022 ma o le a avea lea kamupani ma a latou paaga aloaia. O lona uiga ole igoa o le kamupani o le a lomia I toniga a au uma a le Lakapi Niu Sila e aofia ai le All Blacks, Black Ferns, All Black sevens, Black Ferns sevens, Maori All Blacks, All blacks XV ma le All blacks under 20 amata atu I le tausaga fou.
Tetee malosi le Greenpeace I le maliega lenei fai mai a latou o le tasi lenei o kamupani tetele e 20 o loo feagai ma gaioiga e faaleagaina ai le siosiomaga aemaise le sami .Taua e le faauluuluga o le Lakapi Niu Sila Mark Robinson o se avanoa taua lenei ua faipaaga ai ma lea kamupani tele latou te lagolagoina foi isi au taalo ile lalolagi.
