Ua lamalama faai’u le taimi o le malaga a le Tupu o Peretania ma lana Masiofo i Ausetalia ma ua faatulaga o le a o la asia le National Centre of Indigenous Excellence i Redfern a o le’i aga’i i nisi o poloketi e fia asia foi i Glebe i le aai i Sini.
O le Masiofo o Camilla o le a ia mua’i asia le faalapotopotoga o le Ozharvest i Surry Hills ma aga’i ai i le Green square library i le faaitū o Zetland e feiloa’i ma nisi o le autusitala.
Faai’u le aso i se bbq e faia i Paramatta Park e talimalo ai le Premier o NSW, Chris Minns.
O le a aofia ai le auvalaaulia o ta’ita’i o komiuniti, volunteers ma tagata taaalo.
O le afiafi o le a aga’i ai i le Sydney Opera House o le a aga’i atu iai le faitau afe o tagata e faatofa i le tupu ma le Masiofo a o le’i aga atu mo le malaga i Samoa i le fonotaga a le CHOGM.
Puna o Faamatalaga: https://www.9news.com.au/national/king-charles-queen-camilla-australia-tour-royal-couple-visit-sydney-on-final-day/f3355606-dd20-49e2-93d9-63ca1dc87c0c
