O le Aso 17 o Me 2021 o se aso o le a manatua pea i le talafaasolopito a Samoa e ala lea i  le tuuina mai o ni iuga o mataupu a le faamasinoga maulauga faasaga i le faigapalota a Samoa lea ua savali i  le 5 vaiaso o faia finauga.

O nei mataupu e lua ona e aofia ai le nofoa faaopoopo o le Palemene faatasi ai ma le Malelega a le Ao o le Malo. I le itula e 12 (taimi samoa) na lauina ai le iuga a le Faamasinoga maualuga i le matuapu muamua poo le nofoa faaopopo, lea na tuuina mai ai e le afioga ia Lesatele Rapi Vaai le faaiuga e faaleaogaina ai lea nofoa faaopoopo ma tumau ai pea le aofai o tamaitai i le Palemene e toalima e pei ona palotaina e le atunuu i le Aso 9 o Aperila.

Ae I le itula e 3 i le afiafi (taimi samoa) na tuu mai ai loa e le Faamasinoa Sili afioga Satiu Simativa Perese le iuga o le matuapu faasgaa i le Malelega a le Ao o le Malo ma faaleaogaina ai lea poloaiga ma toe foi uma ai i iuga o le faigapalota muamua a le atunuu.

Taua e afioga i faamasino lea na galulue i lenei matuapu o se tasi o mafuaaga o le faaleaogaina ai o le Malelega a le Ao o le Malo ona e  leai sona se malosiaga faaletulafono e faia ai lea faaiuga.

O se aotelega o iuga o taualumaga tusitusia aloaia a le faamasinoga faasaga i nei matuapu e lua lea o le a tuuina atu i le gagana faaperetania.

Faaiuga aloaia o le Mataupu i le Malelega a le Ao o le Malo

Faaiuga aloaia o le Mataupu i le nofoa faaopoopo