O le asō lea na faai’u ai le fonotaga a Minisita o Taaloga mai le Pasefika atoa ma le peresitene o le Faalapotopotoga o loo taumafai e tetee atu i le faaaogāina o fualaau ma vailaau faasāina e tagata taaalo i le lalolagi.
O le faasoa o manatu ma auala auā le tetee atu i ia gaioiga na saunoa ai le Tamaitai Palemia o Samoa, Afioga Fiame Naomi Mataafa e tatau i nuu ma afioaga ona galulue faatasi ma faalapotopoptoga e taofia ia tulaga.
Ma ia faamalosia le tetee atu i le faaaogāina e tagata taaalo o fualaau faasāina ina ia sa’oloto mai ai.
Na ta’ua e Fiame o le naunauta’iga lava o Samoa ia foia lea faafitauli e ala lea i le galulue faatasi ia ausia sini autū ma faatalanoa auala e mafai ai ona faamuta ia tulaga faapea.
