O le a faaitiitia le fuainumera o masini o loo faia ai taaloga faitupe i Marlborough.
O se tasi o faaiuga a le Council a Marlborough, ma le manatu autu ia faaitiitia ai le aafia o tagata lautele ona o taaloga faitupe.
I faamaumauga mai le masina o Me i le tausaga nei o loo ta’ua e 12 nofoaga ma le 165 masini o loo iai i Marlborough, ma talu mai Mati o le 2015 ua sau i lalo i le 40% le aofai o nofoaga nei e faia ai taaloga faitupe faapea ma masini.
O le suiga ua mae’a ioeina nei ua lē toe faatagaina ai ona tatala nisi fale fou pe faaopoopo nisi masini mai fale ma masini o loo iai nei, tusa lava pe tapunia faitotoa o fale o loo iai.
O se faiga e lē o lagolagoina e le Gaming Machine Association, Lion Foundation ma le Pub Charity Limited, peitai mai sui o le Council e lē na o Marlborough ua ia faia o lea foi e iai isi pulega nuu ua faia foi.
