I se lipoti lata mai o le faalavelave i Amerikka na taumafai ai se alii 20 tausaga e faaoo le oti ia Donald Trump, ua ta’ua ai o loo faagasolo le suesuega i le tele o vaega o loo fesiligia i le tulai mai o lenei faalavelave.
Peitai o se tasi tala faanoanoa o si tamā e 50 tausaga lea ua maliu ai foi i lea faalavelave ina ua lavea i se tasi o pulufana i le taimi na tafana ane ai Trump.
Fai mai le ABC o lē ua maliu o Corey Comperatore na maliu a o taumafai e puipui si ona toalua ma lana fanau teine e toalua i le taimi na tupu ai le faalavelave, o Corey o se tagata volunteer i le fuimu.
Ua vaaia faamaisega a le toatele ua faaoo atu i si ona aiga i luga o upega tafailagi ma tusia ai foi e si ona toalua ma lona afafine ni faamatalaga e faatatau ia te ia, o se tagata alofa i lona aiga ua iu lava ina maliu ai o le puipuiga o latou.
Ua faailoa foi i le lipoti sa avea ma faauluuluga o le Buffalo Township Volunteer Fire Company.
Puna o Faamatalaga: https://www.abc.net.au/news/2024-07-15/corey-comperatore-killed-during-trump-rally-shooting/104097448
