Scrap to replace scheme, poo le fuafuaga a le malo o le a faamatuu mai ai le $569 miliona e trial ai le oo i le 2,500 taavale.
O lenei vaegatupe o loo taulai lea i aiga e maualalalo faasolo atu ia i latou o loo i le ogatotonu o le faatulagana o tupe maua, poo lower to middle income families, ma o se faiga ia unaia ai le faatau o taavale e maualalo le kasa oona e maua mai ai pe a aveese le taavale tuai.
O se tasi lea o vaega o fuafuaga a le malo na faalauiloa mai ananafi a o agai atu ai ia oo atu i le 2035 ua 30% taavale alu i le eletise e feoai i totonu o Niu Sila.
O ni fuafuaga faataatitia e le faigofie ona ausia e tusa ma le tele o mau a tagata suesue faapitoa, ma o se tasi o itu o loo nenefu ai ona o lea e le’i mautu mai poo afea la e tatau ai loa ona taofi le toe aumaia i totonu o le atunuu o taavale o loo maualuga le kasa oona o loo maua mai ai.
Ae mo le $569 miliona o le a tuuina mai e faaleaogaina ai le taavale tuai ae suia agai taavale saogalemu mo le siosiomaga mo aiga o le a agavaa ai fua i tupe maua, mai le Motor Trade Association e tatau ona faasafua i tagata Niu Sila uma.
E le o manino mai i le taimi nei pe fia la se fesoasoani tupe a le aiga o le a maua, pau o lea o le a muamua faataitai i le oo atu i le 2,500 taavale a o le’i faasafua i tua.
