Faailoa aloaia e le tamaitai pese lauiloa a Ausetalia Jessica Mauboy le pese a le ‘au a Ausetalia mo le Olimipeka ua sauni atu ai nei i Paris.
O le pese ua faaigoaina o le Higher o se faaaloalo mo alii ma tamaitai taaalo o le a tausinio e fai ma sui o Ausetalia i le Olimipeka.
O le pese na muai usuina e Mauboy i le taumafataga tele sa faia i Melepone le PM’s Olympic and Paralympic dinner ma ua faailoa e le tamaitai pese o se faaaloalo maualuga foi mo ia le ofo atu o lona leo e lagolago ai le autaaalo a Ausetalia ma o le a malaga foi i Paris e tapuaia lo latou alofaiva.
Puna o Faamatalaga: https://www.abc.net.au/news/2024-07-11/jessica-mauboy-higher-olympics-australian-team-song-paris-2024/104085360
