Ua faailoa mai e le Palemia ia Christopher Luxon faapea le Komesina fou o leoleo Richard Chambers ananafi o le a iai le ofisa leoleo e 24 itula 7 aso o le vaiaso i le taulaga i Aukilani.
Sa saunoa le Komesina o se faaopoopoga fou o le a vave ai ona tali atu sui o le ofisa i soligatulafono aemaise lava lea i totonu o le taulaga faatau o Aukilani.
I le taimi nei o lea e iai le ofisa e 24 itula 7 aso i College Hill, e tusa lea ma le 7 kilomita le mamao mai le taulaga faatau.
Ta’ua ai e le Komesina o le vaai mamao o loo iai le mafai ona tatala o le ofisa fou lenei i le ogatotonu o le tausaga fou, ma e 21 tagata faigaluega fou o le a faafaigaluega ai, faatasi ai ma le 30 e aumai mai isi lālā o loo iai nei.
E lē o faailoaina mai i le taimi nei pe fia le tau atoa o lenei fuafuaga e oo lava foi i le lisi.
Ae i saunoaga a le Palemia ia Luxon, na ia ta’ua ai e matua’i moomia ma e talafeagai.
Puna o Faamatalaga: Christopher Luxon and Police Commissioner announce new Auckland police station | RNZ News
