O le aso 12 o Novema lea ua faailoa faalauaitele mai o le a faatoese aloaia ai le Palemia o Niu Sila i tagata na sauaina a o nonofo ai i nofoaga i lalo o vaavaaiga a le malo.
O le tala mai lea ananafi i le uma ai o le fono a le Kapeneta ma ua sau ai i le mae’a tuuina atu i le Kovana Sili o le lipoti o suesuega a le komisi lea na filifili e iloilo sauaga nei.
O le mae’a tuuina atu ai i le Palemene, o le aso a taeao lea o le a faailoa faalauaitele mai ai i tua.
E 14kg le mamafa o lea lipoti, ma o se lipoti tele, na ta’ua e le Palemia Christopher Luxon o lea faato’ā amata faitau iai.
O sauaga nei sa aafia ai fanau na aveesea mai o latou aiga ae auina atu i isi tagata e vaaia i lalo o faamalumaluga a le malo.
Mo i latou na aafia i sauaga nei ma o loo soifua pea i le taimi nei, o loo iai le fesoasoani mo pasese o tagata e lē o nonofo i Ueligitone e malaga atu ai i le Palemene e faitau i le lipoti mulimuli.
Puna o Faamatalaga: Luxon to make formal apology over abuse in care (1news.co.nz)
