Ua faailoa taiala a le matagaluega o le soifua maloloina I fuafuaga faataatitia e tali atu ai I le ono toe pepesi o le Koviti a’o loma aso fiafia
O lenei system ua sau ma le matagaluega, ua taua e le minisita o le Koviti Chris Hipkins, e ao lava ona tapena tagata Kiwi I le ono suia o a latou fuafuaga pe a toe maua nisi community cases
E tolu itu ua tapena iai,
Muamua: o le ono faamaonia o se tagata faigaluega o loo feagai ma I latou faimalaga mai fafo, ma e faatumauina pea Niu Sila atoa I le alert level 1
Lona lua: faamaonia se isi ao iai I tafaoga ma e ono fesootai ma I latou mai fafo, o lona uiga e ono suia alert levels, faamalosia le faia o siaki ma isi o fautuaga faaopoopo
Ma le lona tolu, o le ono faamaonia o se tasi na auai I se faatasiga toatele e pei o festivals ae leai se sootaga ma I latou mai fafo, e ono taofia ai ma faatasiga, suia alert levels ma toe faamalosia bubble poo afuafu mo tagata Niu Sila uma ma faatali I se isi faatonuga
O loo tumau pea fautuaga I le faaaoga o tali fofoga poo masks, faaaoga le tracer app aofia ai ma le bluetooth ua faaopoopo nei, nofo I le fale pe a le malosi atoatoa, atoa ai ma le faataua o le tumama.
