Ua faailoa e le National o le a o latou faia nisi tulaga sanctions poo ni tulaga e faatapulaa ai faamanuiaga e maua e i latou o loo maua le penefiti lē faigaluega, i latou e lē o mafai ona ausia tulaga e tatau ai ona maua le penefiti.
O ia sanctions e ono aofia ai le faamalosia o le faia o galuega faakomiuniti e oo atu i le 3 masina le umi, taofia lē tumau o penefiti ma le faaitiitia o le aofai atoa ai ma le faaopoopo atu o le matafaioi a le Work and Income e fai i le faatonutonuina o tupe a le tagata e maua le penefiti.
O le a manaomia foi e le National i latou o loo saili galuega poo jobseekers ina ia ta’i ono masina ma toe talosaga mo le penefiti, atoa ai ma le toe faatalanoaina i mafuaaga e tatau ai ona agavaa mo le penefiti.
O le asō na faia ai e le National lea folasaga e tauala i le latou sooupu o Louise Upston sa iai faatasi foi ma le taitai o le vaega faaupufai, Christopher Luxon.
