O le minisita lagolago o A’oga o David Seymour e iai sana fuafuaga fou mo le siitia o le aofai o tamaiti e o atu i le a’oga i aso ta’itasi ma ua faalauiloa mai i le asō lea fuafuaga ma lona faatinoina.

E pei ona lipotia i le televise tasi le taumafai o le Malo e saili se fofō o le lē o atu o tamaiti i a’oga e aunoa ma se mafuaaga tatau, ma o le finagalo o Seymour e tatau ona iai se faiga e puleaina ai lea tulaga.

O le auiliiliga o le fuafuaga lea ua faaigoa o le STAR system poo le Stepped Attendance Response system ua ta’ua ai o a’oga uma ua fuafua e tatau ona iai sa latou faiga o le ituaiga system lea pe a oo atu i le amataga o le 2026.

O faata’ita’iga o lea faiga e aofia ai le faafesoota’i e le A’oga o mātua poo tagata e tausia le tamaititi a’oga ua atoa le 5 aso e lē a’oga.

Afai e oo atu i le 10 aso e lē a’oga ai ona fono lea o le a’oga, tamaitiiti a’oga ma ona mātua e faatalanoa pe aisea ua lē a’oga ai.

Afai e oo i le 15 aso lē a’oga o le tamaititi ona faasee lea o le mataupu i le matagaluega o A’oga.

Ua faailoa e le minisita lagolago o le a faamalosia lea fuafuaga ma o le a galulue faatasi ai le matagaluega ma a’oga.

 O loo silasila foi lea fuafuaga i le faamuta o aso mo na o faia’oga, teacher only days lea e masani ona faia i le taimi o kuata faalea’oa’oga.

Puna o Faamatalaga: https://www.1news.co.nz/2024/09/26/govt-reveals-new-plan-for-getting-kids-to-school-heres-how-it-will-work/