E iai se tuipuipui e faaigoa o le RSV vaccine e lē o toe mamao avanoa ane mo le faaaogāina e tinā ma’itaga e aunoa ma se totogi e fesoasoani ai i le taofia o le aafia o pepe fananau mai i lea vairusi.
Ua faailoa mai e le Faigamalo a le atunuu o le a amata nei ona avanoa le tuipuipui lea o le RSV mo tamaitai ma’itaga ua 28-36 vaiaso o o latou ma’itaga.
O le aso 3 o Fepuari ua fuafua e amata avanoa ane ai ia tuipuipui e aunoa ma se totogi.
Fai mai faamatalaga pe ā ma le 12 afe pepe e aafia i le RSV ma taofia i falema’i i tausaga ta’itasi ma o le tuuina o tuipuipui ia mo tinā ma’itaga e faaitiitia ai le numera o pepe e fananau mai ua aafia i le RSV.
E talotalo le faigamalo ina ia to’atele tinā ma’itaga o le a o latou faaaogāina lea avanoa.
O le RSV poo le respiratory syncytial virus o se vairusi taatele e aafia ai le isu, faa’ī ma māmā.
O ona āuga e tai pei lava o le fūlū masani ma le koviti ma ua ta’ua foi e pepesi gofie ma telē aafiaga i tamaiti.
Puna o Faamatalaga: https://www.9news.com.au/videos/national/rsv-vaccine-to-be-available-to-pregnant-women/cm63ca5pg000n0hmk0hd0assn
