Ua iai se lapata’iga ua tuuina atu e faia’oga, secondary school teachers i tamaiti a’oga ona o le faateteleina o tamaiti ua faaaogā le polokalame o le AI, Artificial Intelligence e faimamago ai pe lē faamaoni ai le faiga o meaa’oga ma o nisi o loo sao lelei a latou faiga ia.

Ua faailoa e faia’oga i le RNZ, o le AI e mo le faaleleia o a’oa’oga peitai o le faaaogā sese o le auaunaga, o se faafitauli tele la lea.

O le faauluuluga o le Faasaienisi i le Kolisi a St Patrick i Ueligitone, Doug Walker na ia faailoa i le RNZ, ua faateteleina le tulaga lea ma ua faia ai nei se faiga e aogā e faaaogā ai le AI Detector e mata’itū ai tusigatala ma lipoti e faaaogā ai le komepiuta ma le online.

Fai mai faia’oga o nai isi tamaiti o loo faamaoni lava le faaaogāina o le AI e maua ai se fesoasoani i meaa’oga peitai o loo iai lava foi ma i latou ua taumafai e faaaogā le AI ma maua ai faamatalaga e tusa o tusitusiga ma lipoti mo a’oga ma le faamatalaga o latou lava e ana meaa’oga peitai o loo faaaogā le AI e faatino ai assessments ma e lē tatau ona faailoa faapea o se galuega moni lava mai ia ilatou se’i vaganā ua mae’a ona siaki. 

Puna o Faamatalaga: https://www.rnz.co.nz/news/national/528711/students-using-artificial-intelligence-to-cheat-on-assessments-teachers-warn