Ua faailoa mai e le Faalapotopotoga o le Soifua maloloina o le lalolagi ni nai suiga I le faaigoaina o ituaiga o vairusi ole faamai o le koviti 19 ina ia paleni ai ma talafeagai le faamauina o faamatalaga e tusa o nei vairusi.
O loo taua I le One news o le uluai ituaiga vairusi na muamua aliae e mai Peretania lea o le a faaaigoaina o le Alpha variant e pei ona muamua I le Greek Alphabet.
O le ituaiga lona lua na aliae e mai Aferika I Saute lea o le a faaigoa nei o le Beta.
O le lona tolu ole vairusi mai Brazil o le a faaigoa o le gamma variant ma le ituaiga lona fa e mai Initia lea o le a faaigoa o le Delta Variant.
E manatu le WHO e le o iai se suiga I le ituaiga vairusi peitai o le a faigofie ai ona faaigoa ma faamauina foi aemaise o le a faigofie ona ta’u e tagata ma manatua.
I seisi lipoti I le aso ua faailoa ai e amata atu I le aso o tagata nofomau ma sitiseni I niusila e toe foi mai ile atunuu mai atunuu I fafo, e tatau ona nonofo I le atunuu mo le a itiiti mai e 180 aso a leai ona tuuina lea iai o le pili mo le totogiina o nofoaga faanofoesea a itiiti mai e 3 afe tala niusila.
O le tulaga sa iai muamua e 90 aso. Fai mai le One news pe a ma le 3 pasene o tagata niusila ua toe foi mai I le atunuu o le a aafia I lea faiga
