Ua faafetaia e le Palemia o Ausetalia Anthony Albanese le taitai o le itu agai Peter Dutton ona o le galulue faatasi ma latou i fetuunaiga i aso e toe faaauau ai taualumaga o le palemene a le atunuu.
Fai mai Albanese o taimi faapenei e manaomia ai pea ona faaauau pea le palemene ae le o se taimi e faaese ai nisi ae ao ona tutu faatasi.
O se taimi e faailoa ai mafatiaga ma faataua le sao o le Tupu Tamaitai ia Ausetalia aemaise foi o Malo o le Taupulega.
E le gata i lea o le faauuina o Salesa e fai ma Tupu. Faailoa foi e le Palemia e le o se taimi foi e faatalanoa ai ni mataupu e faatatau i le suia o le tulaga o Ausetalia e avea ma republlc pei ona taumafai iai nisi i le taimi ua tuanai.
