O le tuana’i o puipuiga o le faama’i o le Koviti-19 na maua ai e le pulega o malaevaalele a Samoa se tupe e tusa ma le miliona tala sa ia tuuina atu i le malo e avea ma ona sao i le faia o galuega.

Ae na sosoo ai ma se isi meaalofa poo se dividend mai lea lava auaunaga a le malo e 3 tesimale 9 miliona ina ua toe tatala feoa’iga masani i le tuana’i o le faama’i koviti.

O le vaiaso nei na toe tauaao atu ai foi e le Komiti Faafoe ma le minisita o pulega o malaevaalele le isi ona sao o le dividend mo galuega a le malo e tusa ma le 2 tesimale 4 miliona tala. 

Le Minisita o pulega o malaevaalele le tofa Olo Afoa Fiti Vaai i le tauaaoina o le siaki tupe e 2 tesimale 4 miliona o le sao o lea auaunaga a le malo mo galuega faatino o le atina’e o le tamaoaiga o le tatou atunuu.