O loo faaauau pea ona faatau ese fale e aunoa ma se polofiti o maua mai ai.
Ua faamauina e le kamupani a le CoreLogic e tusa ma lana lipoti e lata i le ‘afa o apartments i Aukilani na taulia i totonu o le tolu masina na faai’uina ia Iuni, e leai se polofiti na maua mai ai.
E faitau sefulu afe le gau mo tagata e anaina fale ma o le alu pea i luga o tului ma le maualuga o le sapalai i le maketi o fale lea na fesoasoani i le gau.
E molimau ai nisi o tagata faatau fale ua silia ma le 20 tausaga o galulue i le faatauina o fale, o le taimi muamua lea ua o latou molimauina ai.
Ae i le aotelega o fale faatau ese atu i tau e i lalo mai o le tau na faatau mai ai i Niu Sila atoa, e tusa lea o le 7.9% o fale na taulia ma o lea na alu i luga mai le 7.1% na iai i le uluai kuata o le tausaga nei lava.
I faatusatusaga o apartments lea e gau pe a faatusa i fale tutasi o loo ta’ua mai i le lipoti o le umi o le piliota o loo umia ai fale nei i le maketi le isi itu, ona o le tele o apartments o loo faatau e tagata inivesi.
Puna o Faamatalaga: Auckland property: 44% of apartments sell for loss | Stuff
CoreLogic sees an increasing number of residential properties selling at a loss | interest.co.nz
