O le a faaauau pea le malaga taamilo a le au lakapi a Tonga le Ikaletahi e ui ua faalauiloa e le Manu Samoa le le oo o lana malaga taamilo ona o popolega I le koviti 19.

Sa fuafua e taaalo le Manu Samoa ma le au a Spain, Uruguay ma Romania ae lei fetaui ma le British Barbarians peitai ua faailoa e le Iuni Lakapi a le atunuu e le mafai ona faamautu le saogalemu o ana tama taaalo ma le pulega ona o nisi foi o aiaiga o le faamai ma nisi o sa e faatatau I tuaoi.

Peitai o le au a Tonga ua faailoa mai I le vaiaso nei o le a faaauau pea lana malaga taamilo e ui I nisi o faaletonu o le faamai. Ua fuafua e taaalo le Ikaletahi ma le au a Skotilani I le vaiaso mulimuli o Oketopa, ona taaalo lea ma le French Barbarians ma Romania ia Novema.

Fai mai le ofisa sili o le Iuni lakapi a Tonga, Peter Harding I le One news o a latou tama taaalo o loo faamautu I le northern hemisphere ma e faigata atu le filiina o tama mai Ausetalia ma Niu Sila ona o tulaga I aiaiga i tuaoi.

Fai mai Harding ole a le aofia ai I le malaga taamilo le faiaoga o le au, Toutai Kefu ona o aafiaga foi e pei ona iai le faalavelave na aofia ai si ona aiga ia Aukuso.ae ole a faaauau pea le faamoemoe o le au a le atunuu.