E iai se isi fuafuaga fou o le Waitemata Bridge ua faailo atu e se tasi o tagata na te fuafuaina ma fausia fale, architect, aga’i i le Pulenuu o Aukilani, Wayne Brown.
Ta’ua i le Newstalk e ono laina o le ata lea e faatulaga ai le alalaupapa i le 500mita mai le Auckland Harbour Bridge ma lona tau e i lalo ifo o le $2.5 piliona.
E teena e le Pulenuu le faia o se ana poo se tunnel ona o le taugata ae faailoa le silasila i se isi alalaupapa.
Faailoa e le architect, Garth Falconer i le Pulenuu o le fuafuaga fou lea e mafai ai ona faia se alalaupapa e ono ona laina ma faatulaga i le itu i Sisifo o le uafu i Aukilani.
O le tagata foi lea sa ia tuufaatasia le ata o le auala savali i le uafu i Aukilani lea e faaigoa o le Skypath.
O loo faatalia la se finagalo o le Pulenuu i lea fuafuaga fou.
Puna o Faamatalaga: https://www.newstalkzb.co.nz/news/national/architect-meets-with-auckland-mayor-wayne-brown-over-proposed-25b-waitemata-bridge/
