Ua mafai nei ona faaaogā drones e kiliva ai taumafa ma nisi o aitema i aiga i le itu i Sasae o Melepone e pei ona lipotia i le vaiaso nei.
O le app a le Door Dash ua galulue faatasi ma le isi kamupani kiliva o le Wing ma faafoe ai le auaunaga lea i le tele o pitonuu i Melepone.
Fai mai ua faia lea gaioiga ina ua mae’a faataitai foi i Kuiniselani ma Brisbane ma ua faailoa e i latou o loo faagaioia lea auaunaga o se auala vave tele lenei i le kilivaina o taumafa i tagata aemaise aiga e leai ni taimi e agai ai i faleoloa ona o le pisi i galuega.
O le isi itu lelei o le faaitiitia ai o taavale i luga o le alatele. E mafai e drones ona tauave le oo atu i le 1 le kilo o le faatauga pe a alu i le 110km i le itula.
Fai mai o le totogi e faatulaga mai e le Door Dash ma ua ta’ua e taugofie atu nai lo totogi o kiliva masani.
Puna o Faamatalaga: https://www.9news.com.au/national/wing-drone-delivery-lands-in-melbournes-eastern-suburbs/c2ff1916-a167-4a98-8ca3-7ebb36cd04c2
