Fai mai e 4 itula na faatali ai se tamā e 69 tausaga mo le taavale a le falema’i ina ua pa’ū i lona fale i le itu i Sasae o Melepone ma maliu ai lava.
Ua lipotia e le 9News o loo iloilo e le Ambulance Victoria lenei mataupu ma le mafuaaga o le maliu o le tamā lea, fai mai na tupu foi le faalavelave i se taimi o loo to’atele ai le aufaigaluega a le taavale a le falema’i o loo ave o latou aso ma’i.
Fai mai isi faamatalaga o le lipoti na taunuu lava si tamā lea i le falema’i peitai ua fai si tuai.
Na muamua valaau e lona tuaoi le taavale a le falema’i i le lua i le vaveao ina ua faalogoina le valaau ane a le tamā lea mo se fesoasoani.
Ua faaoo faamaisega a le Ambulance Victoria i le aiga o lē ua aafia ma faailoa o loo faia nei iloiloga i le mataupu lea.
Puna o Faamatalaga: https://www.9news.com.au/national/ambulance-victoria-dozens-of-ambulance-crews-missing-from-victorian-roads/da4bdf7f-8816-4870-8d7d-1f0098414831
