Ua faailoa manino e le Peresetene o Ecuador, Daniel Noboa o loo telē le avanoa e suia ai le faavae o lona atunuu ae faataga vaega’au a Amerika e ulufale atu e fesoasoani i le fofōina o faafitauli aemaise o faiga faasolitulafono o loo faia e lē gata i maina ae faapea foi i kegi i totonu o le atunuu.
O le faavae lava ia o le atunuu o Ecuador e lē faatagaina ai nisi vaega’au mai fafo atu o le atunuu e ulufale i Ecuador peitai ua fai si umi o faifai pea vevesi ma fetaua’iga i mataupu e pei ona faailoa e le Peresetene ma ua ia faailoa foi e mafai ona suia le faavae ae fai se faiga e maua ai se filemu mo le atunuu.
Fai mai le Peresetene i le faatalanoaga ma le CNN e fia galulue faatasi ma vaega’au mai Amerika e fesoasoani i le tulaga lea ae o le a faauluulu lava ia latou vaega’au.
E lē o ta’ua se faamatalaga a Amerika i le mataupu lea.
Puna o Faamatalaga: https://edition.cnn.com/2025/04/15/world/video/daniel-noboa-ecuador-president-us-military-digvid
