O le kamupani vaalele a Niu Sila le Ea Niu Sila lea ua faaigoaina o le vaalele aupito I saogalemu ile lalolagi atoa, the world’s safest airline. O le AirlineRatings.com latou te mataituina kamupani vaalele e 385 ile lalolagi ma ua faalauiloa mai nei kamupani vaalele aupito sili ona saogalemu ma taugofie foi.
O le Ea Niu Sila lea e I le pito I luga ae fai mai le faatonu o le AirlineRatings.com o Geoffrey Thomas pei ona lipotia ile taeao analeila, ise taimi aupitoi faigata mo kamupani vaalele , ua tulai mai ai le Ea Niu Sila o se taitai I lana auaunaga aemaise o tulaga I le faiga o trainings.
O isi kamupani vaalele o loo mulimulitai ile Ea Niu Sila ile lisi o kamupani vaalele aupito saogalemu ile lalolagi e aofia ai le Etihad Airways, Qatar Airways, Singapore,TAP Portugal, SAS, Qantas, Alaska Airlines, Eva Air, Virgin Australia/Atlantic, Cathay Pacific, Hawaiian Airlines ma le American Airlines.
O le faatulagana o loo fua I o latou faamaumauga I tulaga o vaalele lavevea ma faalavelave ogaoga e aafia ai, le tausaga o vaalele, faamaumauga mai totino tau pulega atoa ai ma faamaumauga a malo , faiga o puipuiga tau le koviti ma le malosi o le tulaga tau tupe ma lona faatulagaina.
