E tāua le taumafai e faatumau talavou e nonofo pea i Niu Sila mo lona tamaoaiga.
O le finagalo lea o se tasi o tagata e iai lona tomai faapitoa i itu tau tamaoaiga, Dominick Stephens, lea na ia ta’ua ai o Niu Sila o se tasi o le tele o atunuu ua to’atele atu tagata matutua na i lo le tupulaga galulue.
O le faigamalo a Portugal o lea ua iai le faamāmā avega i lafoga totogi e tagata e oo atu i le 35 tausaga le matutua ma e faapea ua faia ina ia faatosina ai talavou e nonofo faapea ai ma isi e o atu.
O le tausaga lenei i Niu Sila ua faamauina le to’atele o tagata e tuua le atunuu mo atunuu i fafo, ma o le to’atele lava o i latou nei e i le va o le 25 tausaga ma le 34 tausaga.
E lē to’atasi se tasi su’esu’e ua faaalia le popole i le tulaga ua iai, ma i nisi e lē o mafuli so latou talitonuga e mafai e lafoga faaitiitia ona faatumauina talavou i Niu Sila.
Puna o Faamatalaga: Why young Kiwis leaving is a big worry for the economy | RNZ News
