E ono faatumau pea le valaauina o le Pule Faatonu o le Pulega o le Suavai a Ueligitone ao tuuaia ai le pulega i le lē lelei ona faasoa o tupe.
O le vaiaso talu ai na sau ai i tua ripoti ma ta’ua ai le tele o tupe faaalu a le Pulega o le Suavai a Ueligitone pe a faatusa atu i isi puleganuu, ma e faapea o le lē lelei lava ona vaaia o tupe le mafuaaga.
Na talo ai ma le fonotaga faapitoa i le aso ananafi a le komiti e talanoa le ripoti lenei, ma i lea fonotaga na faailoa ai e le Pule Faatonu ia Nick Leggett o lea ua iai suiga lelei ua faia e le pulega ma o loo mafanafana foi i o latou galuega faatino mo lea auaunaga.
Tautino ai le pulenuu o le aai Tory Whanau, ua manino mai le fono ananafi a le komiti, e lē o sui uma e mananao e faatea le faatonu.
O le komiti na fono i le aso ananafi o loo auai ai sui o loo fai sea mai le puleganuu a Wellington City, Greater Wellington, Porirua, Hutt City, Upper Hutt ma Wairarapa i Saute ma o i latou foi nei e faia le faaiuga e faatea ai le faatonu.
Puna o Faamatalaga: http://Wellington Water chairman unlikely to be forced to resign after extraordinary meeting – NZ Herald
