Na alu atu faasasa’o le taavale i le nofoaga ua toso ai tape a leoleo ananafi a o su’esu’e se tasi o faalavelave tau taavale i Waikato.
A o faia su’esu’ega i luga o le State Highway 1, lea foi na tapunia ai i le taeao ananafi, na faate’ia leoleo i le faasasa’o atu o le taavale ma le trailer o loo toso atu ai ma o lea na oso atu i le nofoaga o loo su’esu’e e leoleo.
Pe ana lē vave le oso ese o se tasi o malu o le malo na iai i lea nofoaga, semanū e aafia atu ai ma lona soifua.
Ua faamaonia mai ai e leoleo e 53 tausaga le matua o le soifua o le avetaavale ma o loo faatalanoa nei moliaga e faia faasaga ia te ia.
Puna o Faamatalaga: https://www.1news.co.nz/2025/01/08/truck-driven-through-crash-scene-cordons-charges-considered/
