O faamatalaga mai talafou a le Telegraph, o loo ta’ua ai e ono faamavae le alii iloga i le taaloga lakapi ia Manu Tuilagi mai lana kalapu o le Sale Sharks i le mae’a ai o taaloga o loo faasolo i le taimi nei (season).
Ta’ua, i lea faamavaega o le a muta ai foi lona taalo ai mo le ‘au a Egelani.
Ua faamauina i tala fou, ua sauni lenei alo o le atunuu e faamavae atu i le kalapu na taalo ai mo le 4 tausaga.
E lei mailoa atoatoa, le mafuaaga o le tuua ai e Manu o le kalapu ae māua i faamatalaga mai le Telegraph, o loo feagai le Sale Sharks ma faafitauli i itu tau seleni mo le totogiina o le alii taalo.
E lē o iloa se aso ma se taimi o le a faamave ai le alii o Manu Tuilagi.
O Manu o le alo o Samoa ua iloga i le taaloga lakapi.
Ua 59 taaloga faavaomalo ua taalo ai lenei alii i totonu o le 13 tausaga o se tagata taalo faavaomalo i le taaloga lakapi.
