Ua valoia e se tasi o tagata su’esu’e faapitoa i le itu o auaunaga a vaalele le lē faataunuuina o isi faigamalaga a le Ea Niu Sila i le tausaga fou.
Faamauina e 6000 pasese lea o le a toe fetuutuunai faigamalaga i le va o Fepuari ma Iuni o le tausaga fou ae faalis e le kamupani vaalele o le a taofia le tusa ma le 2% o avanoa mo faigamalaga faalotoifale o le atunuu.
Ta’ua o le toatele o tagata aafia o i latou nei ua toe fetuutuunai taimi o faigamalaga.
Na o itu e agai iai faigamalaga poo routes ua aafia o loo faamauina o le a faailoa mai i le Aso Gafua o le vaiaso o muamua, peitai ta’ua e le sooupu o le kamupani Ea Niu Sila o le a iloa tonu le telē o suiga i faigamalaga, o taimi ma aso e faataunuu ai, o se vaaiga lea i le lē toatele e faimalaga i totonu lava o le atunuu.
O le lua masina talu ai lean a faailoa mai ai le lē toe faaauauina o faigamalaga a le Ea Niu Sila mai Invercargill agai i Ueligitone amata mai ia Ianuari o le tausaga fou, mafua lava i le aafia o afi o vaalele ma le toaitiiti o tagata femalaga’i.
Ese mai i lea itu ua iai foi isi vaega o le atunuu ua faaitiitia faigamalaga a vaalele.
Ao faatali ai la le Aso Gafua o le vaiaso fou, o lea ua vavalo e nisi o le a faaauau atu ai pea i le tausaga o i luma le fai ma taofia pe o le lai foi o isi faigamalaga a le Ea Niu Sila i totonu lava ia o le atunuu.
Puna o Faamatalaga: https://www.stuff.co.nz/travel/360510028/further-cuts-air-new-zealand-domestic-capacity-expected-2025
